1. Ábyrgðaraðili
Ábyrgðaraðili vinnslunnar er rekstraraðili vefsins, sem er tilgreindur neðst á þessari síðu. Fyrirspurnir um persónuvernd má senda á netfangið þar.
2. Hvaða upplýsingar við vinnum
Við söfnum aðeins því sem þarf til að vefurinn virki:
- Aðgangur: nafn, netfang og auðkenni frá Apple, Google eða innskráningarhlekk í tölvupósti. Prófílmynd ef innskráningarþjónustan lætur hana í té. Aldrei lykilorð.
- Yfirlýsing um skotvopnaleyfi: hvort þú segist hafa gilt leyfi, hvaða réttindaflokka (A, B, C, D, S), hvenær þú lýstir því yfir og hvort rekstraraðili hefur staðfest það. Við geymum ekki leyfisnúmer, kennitölu eða afrit af leyfinu. Skjáskot sem þú sendir til staðfestingar er eytt þegar búið er að merkja aðganginn.
- Landshluti sem þú velur, og símanúmer ef þú velur að setja það í auglýsingu.
- Auglýsingar: það sem þú skráir, og myndir. Staðsetningar- og tækjaupplýsingar (EXIF) eru fjarlægðar úr myndum við innsendingu.
- Skilaboð, tilboð, umsagnir, vaktir, vistaðar auglýsingar og tilkynningar sem þú sendir eða færð.
- Tæknilegar upplýsingar sem fylgja hverri beiðni: IP-tala, vafri, tími, og ótengdar tölfræðiupplýsingar um notkun vefsins.
3. Tilgangur og heimild
Við vinnum upplýsingarnar til að veita þjónustuna sem þú biður um (samningur, 1. tölul. 9. gr. laganna): birta auglýsingar, koma skilaboðum á milli, senda tilkynningar úr vöktum og sýna seljendum yfirlýsingu kaupanda um skotvopnaleyfi.
Við vinnum þær einnig vegna lögmætra hagsmuna (6. tölul. 9. gr.): til að verjast svikum og misnotkun, fara yfir tilkynningar, halda vefnum öruggum og bæta hann. Þar sem lög krefjast þess, svo sem þegar lögregla óskar eftir upplýsingum með lögmætum hætti, vinnum við þær til að uppfylla lagaskyldu (3. tölul. 9. gr.).
Yfirlýsing um skotvopnaleyfi er ekki viðkvæm persónuupplýsing í skilningi laganna, en hún er sýnd gagnaðila þínum í viðskiptum af því að vopnalög gera þá kröfu að skotvopn fari aðeins til leyfishafa.
4. Hverjir sjá hvað
- Allir sjá: auglýsingar, nafnið þitt og prófílmynd, landshluta, hvenær þú skráðir þig, umsagnir um þig og fjölda auglýsinga.
- Innskráðir notendur sjá að auki símanúmer sem þú setur í auglýsingu, þegar þeir smella á það.
- Fólk sem þú ert í samskiptum við sér yfirlýsingu þína um skotvopnaleyfi og hvort hún hefur verið staðfest.
- Rekstraraðili sér allt sem tengist aðganginum, og les samtöl aðeins þegar þau hafa verið tilkynnt.
5. Vinnsluaðilar
Við notum fáa, þekkta þjónustuaðila sem vinna gögn fyrir okkur samkvæmt vinnslusamningum:
- Vercel (Bandaríkin, rekið á netþjónum í London): hýsing vefsins og myndageymsla.
- Neon (gagnagrunnur í London): öll gögn vefsins.
- Resend (Írland): tölvupóstur frá vefnum og póstur sem berst á netföng vefsins.
- Apple og Google: innskráning, ef þú velur hana. Þau fá að vita að þú skráðir þig inn á vefinn; við fáum nafn og netfang.
- Vercel Analytics: ótengd notkunartölfræði án vefkaka.
6. Lögregla og yfirvöld
Vefurinn tilkynnir lögreglu ekki sjálfkrafa um auglýsingar eða notendur. Við afhendum lögreglu upplýsingar þegar þess er krafist með lögmætum hætti, og að eigin frumkvæði þegar rökstuddur grunur er um brot á vopnalögum, svo sem afhendingu skotvopns án skráningar eða sölu á bönnuðu vopni.
7. Varðveisla
Aðgangur og það sem honum fylgir er geymt þar til þú eyðir aðganginum í stillingum. Þá eyðast auglýsingar, vaktir, skilaboð og yfirlýsingar varanlega. Umsagnir sem þú skrifaðir um aðra standa áfram nafnlausar, svo orðspor annarra hverfi ekki með þér.
Tilkynningar og lokanir eru geymdar í allt að tvö ár til að koma í veg fyrir endurtekna misnotkun. Tæknilegar beiðnaskrár eru geymdar í 30 daga. Afrit af gagnagrunni eru geymd í allt að 30 daga.
Skrá yfir tölvupóst sem vefurinn sendir þér (netfang, tegund, fyrirsögn og hvort hann komst til skila, ekki efni bréfsins) er geymd í 90 daga, svo hægt sé að aðstoða ef póstur skilar sér ekki.
8. Réttindi þín
Þú getur séð og breytt upplýsingunum þínum í stillingum og eytt aðganginum þar. Þú getur einnig óskað eftir aðgangi að upplýsingum, leiðréttingu, eyðingu, takmörkun vinnslu eða flutningi gagna með því að senda okkur póst. Við svörum innan mánaðar.
Ef þú telur vinnsluna brjóta gegn lögum getur þú kvartað til Persónuverndar, personuvernd.is.
9. Vefkökur
Vefurinn notar aðeins nauðsynlegar vefkökur og geymslu í vafra. Sjá nánar á síðunni Vefkökur.
10. Breytingar
Við uppfærum þessa stefnu þegar þjónustan breytist. Dagsetning síðustu breytingar er efst á síðunni og verulegar breytingar eru tilkynntar með tölvupósti.